حش کوکب،، نامی جنت البقیع سےمتصل جگہ میں سب سےپہلے کس کو دفنایا گیا؟
س: ،،حش کوکب،، نامی جنت البقیع سےمتصل جگہ میں سب سےپہلے کس کو دفنایا گیا؟ (مولانا ارمان رحمانی صاحب عمان)
ج: سیدنا عثمان غنی رضی اللہ عنہ حُشّ کوکب نامی جگہ مدفون ہیں. فضل اللہ عمری نے مسالک الابصار فی مسالک الامصار میں حضرت عثمان رضی اللہ عنہ کے بارے میں صراحت کی ہے کہ فكان أول من دفن بهذه الزيادة. یہ جنت البقیع کے مشرقی جانب ایک جگہ کا نام ہے، حُش بستان صغیر یعنی چھوٹے باغ کو کہتے ہیں اور کوکب ایک انصاری کا نام ہے، چناں چہ ان انصاری کی طرف منسوب کر کے اسے حش کوکب کہتے ہیں. اس جگہ کو حضرت عثمان رضی اللہ عنہ نے اپنی زندگی میں خرید کر بقیع میں شامل کیا تھا، آپ جب اس جگہ سے گذرتے تو فرمایا کرتے تھے کہ یہاں ایک نیک بندہ دفن ہوگا، یعنی اپنی طرف اشارہ کیا کرتے تھے. هذا ملخص ما ذكر في كتب التاريخ والبلدان والأنساب ، وانظر للتفصيل : تاريخ دمشق، و الكامل في التاريخ، و البداية والنهاية، و تاريخ ابن خلدون، تاريخ الطبري، و تاريخ المدينة لابن أبي شيبة، و تاريخ الخلفاء، و المستخرج من كتب الناس للتذكرة، و أنساب الأشراف، و نسب قريش، و معجم البلدان.
أبو الخير عارف محمود الجلجتي ١٧/٧/٢٠١٩